AMF: Rritja e çmimit të sigurimeve erdhi si pasojë e rritjes së taksave
Autoriteti i Mbikëqyrjes Financiare ka raportuar në Komisionin Parlamentar të Ekonomisë në lidhje me veprimtarinë e vitit 2015. Ky raportim u shoqërua me diskutime të shumta mes drejtuesve të AMF-së si dhe deputetëve të komisionit në lidhje me aftësinë paguese të shoqërive të sigurimit që operojnë në tregun e Jo–Jetës.
Sipas AMF-së, tri shoqëri kanë shfaqur paaftësi paguese dhe mungesë kapitali gjatë periudhës së gjashtëmujorit të parë të vitit 2016. Sipas drejtores së përgjithshme ekzekutive, Enkeleda Shehi, rritja e tarifave të MTPL-së që ndodhi në fund të gushtit erdhi si pasojë e rritje së taksës kombëtare për sigurimet ( nga 3% në 10%) dhe jo si pasojë e ndryshimit të nivelit të primit të sigurimit bazë (poshtë këtij niveli nuk lejohet që të shiten policat e sigurimit).
AMF-ja ka shprehur pakënaqësi edhe në lidhje me raportimin e bërë nga relatori Anastas Angjeli, duke e konsideruar si të pabazuar dhe të pa azhurnuar.
Kreu i Komisionit parlamentar të Ekonomisë Erion Braçe tha se treguesit e çdo kompanie janë përkeqësuar, ku përjashtim bën vetëm INSIG. Sipas tij gjendja e shoqërive nuk u përmirësua nga pëjashtimi i pagesës së TVSH-së.
Braçe nënvizoi gjithashtu edhe zgjedhjen e kompanisë audituese për shoqëritë e sigurimeve e cila nuk është bërë me vendim Bordi, por referuar ligjit për Prokurimin Publik.
Në datë 24 gush të këtij viti, shoqëritë e sigurimeve rritën me 20-25% ccmimet e sigurimit TPL, në mënyrë të koordinuar dhe të mënjëhershme.
AFM, në deklarimin e parë zyrtar tha se kjo ishte një politikë që i takon shoqërive duke qenë se tregu është i liberalizuar, por më pas ajo me anë të një shkresë iu kërkoi atyre që t’iu riktheheshin tarifave të mëparshme. Vendim që nuk u morr në konsideratë nga shoqëritë që vazhdun të operonin me ccmimet e reja. Për këtë veprim të tregut edhe Autoriteti i Konkurrencës ka hapur hetim paraprak
