Pogradec-Lin, INUK përgatit shpërthimin e komanduar të një 7-katëshi

– INUK vijon punën edhe në zonën e Golemit –

 Inspektorati Ndërtimor Urbanistik Kombëtar ka vijuar sot aksionin për të liruar hapësirat publike, duke i hapur rrugë dhe projekteve madhore.

Burime nga ky institucion bëjnë të ditur se gjatë ditës së martë, INUK do të fokusohet tek shembja e objekteve në rrugën Pogradec-Lin, ku do të kthehen edhe shembjet me shpërthim të një objekti 7-të katësh përgjatë segmentit në fjalë. Për këtë ka nisur dhe puna për të vendosur lëndën shpërthyese përgjatë kollonave të objektit në fjalë.

Ditët e shkuara ka pasur dhe protesta nga banorët e zonës, pasi sipas tyre, shpronësimi i këtyre objekteve po merr jetë përmes shifrave të vogla të cilat nuk justifikojnë në realitet vlerën e objektit.

Për këtë, INUK në bashkëpunim me Forcat e Policisë së Qarkut Korçë, më konkretisht me policinë e Komisariatit Pogradec, që ka marrë të gjitha masat për të kontrolluar lëvizjen e mjeteve gjatë shpërthimit në zonën në fjalë.

INUK nga krahu tjetër po vijon punën edhe për lirimin e zonave publike edhe në zonën e Golemit në Durrës.