Lufta kundër terrorizmit, Tahiri: Të zhduken burokracitë mes vendeve të Ballkanit

Ministri i Brendshëm, Saimir Tahiri, kërkoi në Beograd një agjendë konkrete veprimesh të përbashkëta mes vendeve të rajonit në luftën kundër terrorizmit.

Ai kryeson delegacionin shqiptar në Serbi, ku po zhvillohet konferenca 2-ditore e vendeve të rajonit, për luftën kundër terrorizmit dhe radikalizmit të dhunshëm.

Ministri i Brendshëm u shpreh në këtë konferencë se, për të patur rezultate më të larta duhen zhdukur paragjykimet dhe burokracia në marrëdhëniet mes vendeve ballkanike.

Ministerali i radhës do të zhvillohet në Tiranë, në datat 19 dhe 21 maj të këtij viti.