E bukura e mund shkatërrimin-Veliaj: Dhuratë fëmijëve këndin e zbavitjes në “Ali Demi”
Bashkia e Tiranës, u ka dhuruar fëmijeve të lagjes “Ali Demi” me rastin e vitit të ri 2016, një kënd të bukur ku mund të luajne e të zbaviten.
Kryetari i Bashkisë së Tiranës, Veliaj, nëpërmjet statusit të tij Facebook bën të ditur në ditën e dytë të vitit një lajm të mirë, ku u dhuron fëmijëve sheshin e pushimit në një ndër lagjet më të vjetra të Tiranës, duke u ofruar mundësi për zbavitje.
“Një dhuratë e vogël për Vitin e Ri për një nga lagjet më të rëndësishme të Tiranës! E bukura e mund shkatërrimin!”, shkruan Veliaj.
Veliaj ironizon punën e bashkisë nga paraardhësit e tij, duke sjellë një imazh të një sheshi të shkaterruar, të ndotur dhe jo të denjë për kryeqytetin dhe një pamje spektakolarë të një këndi zbavitës e mbi të qëndron më germa të mëdha “Ali Demi” dhe si për ta sfiduar ai pohon se “E bukura e mund shkatërrimin!”.
