Basha reagon për rritjen e çmimit: Veprim kriminal ndaj qytetarëve i Ramës dhe Veliajt
Më në fund ka reaguar edhe kryetari i PD në lidhje me rritjen e çmimit të ujit të pijshëm. Basha përmes një statusi në “Facebook” shprehet se rritja e çmimit të ujit është veprim kriminal i Ramës dhe Veliajt ndaj qytetarëve shqiptarë.
Statusi i Lulzim Bashës:
Rritja e çmimit të ujit të pijshëm është veprim kriminal ndaj qytetarëve i Ramës dhe Veliajt. Është një tjetër rekord i një qeverie thellësisht anti-popull. Pasi harxhoi më shumë se 500 milionë euro të parave publike për fasada dhe luks, Edi Rama u kujtua se qytetarët e Tiranës nuk kanë ujë. Për të kompensuar keqmenaxhimin dhe vjedhjen në ujësjellësin e Tiranës, Edi Rama përmes Erion Veliajt ka vendosur të dënojë qytetarët duke jua faturuar atyre koston e keqqeverises së tij.
Partia Demokratike do të votojë nesër kundër këtoj vendimi anti-popullor dhe ju bën thirrje të gjithë këshilltarëve të tjerë bashkiakë të votojnë për interesat e qytetarëve që ata përfaqësojnë dhe jo të dyshes Ramës e Veliajt.
