Cani: Paketa fiskale 2017 miratohet që në korrik të këtij viti

Ministri i Financave, Shkëlqim Cani, takoi paraditen e së premtes shoqatat e biznesit, ku bëri të ditur se diskutimi për paketën fiskale të vitit 2017 do të nisë që tani, ndërsa paketa do të miratohet në korrik të këtij viti.

“Duam që në fund të korrikut të kemi miratuar paketën. Ligjet që do i përkasin 2017-s duhet të jenë të miratuara në fund të korrikut. E nisëm kaq shpejt që të kemi hapësirë për të debatuar mes nesh”, shpjegoi Cani.

“Të ndryshojmë metodën e punës. Të mos e lëmë për në fund të vitit, pasi atëherë nuk ka kohë për t’u kuptuar”, shtoi ministri i Financave.