Vodhën naftën e TAP-it, arrestohen 4 persona
Kapen në flagrancë duke vjedhur sasi të konsiderueshme nafte në disa mjete të parkuara, të cilat kryenin punime për ndërtimin e gazsjellësit TAP. Policia e Korçës ka arrestuar në flagrancë 4 shtetas, dy prej të cilëve punonjës të një shoqërie private sigurimi në Korçë.
Në pranga kanë rënë shtetasit Migen Kita, 34 vjeç; Shkëlzen Gjoni, 30 vjeç, të dy banues në Korçë, me detyrë punonjës shërbimi në një shoqëri private të ruajtjes e sigurisë fizike; Xhuljan Kolaqis, 21 vjeç dhe Ervin Terolli, 32 vjeç, të dy banues në fshatin Zvezdë.
Arrestimi i tyre u bë pasi, më datë 22 maj2017, në krah të aksit rrugor Zëmblak-Zvezdë, këta shtetas në bashkëpunim mes tyre u kapën në flagrancë duke vjedhur një sasi të konsiderueshme nafte në disa mjete të parkuara, të cilat kryenin punime për ndërtimin e gazsjellësit. Materialet në ngarkim të tyre i kaluan Korçë për hetime të mëtejshme.
