Vrasja e dyfishtë në Tiranë, policia: Konflikt për trafik droge

Ngjarja në lulishten “1 maji” ka ardhur pas konfliktit për trafikimin e lëndëve narkotike. Drejtori i policisë së Tiranës, Ervin Hodaj në një deklaratë për mediat bëri të ditur se aktualisht vijon puna për gjetjen e pistoletës, pas gjetjes së një dite më parë të automatikut në Lumin e Lanës.

Hodaj bëri të ditur se për ngjarjen janë dy të arrestuar, Vashel Ccavo dhe Sael Sulaj.

Ngjarja e rëndë ndodhi pasditen e të enjtes në afërsi të ish- Ekspozitës në kryeqytet, ku mbetën të vrarë Kevin Rugova dhe Aurora Oskian, si dhe u plagos rëndë Elvis Gacaj.