Tiranë, 20-vjecarja denoncon menaxherin italian e Call Center: Më ngacmonte seksualisht!
Nga Spartak Koka
Punonjësja e një pikë Call Center në kryeqytet ka denoncuar në policinë e Tiranës ngacmimet seksuale dhe dhunën e vazhdueshme fizike që menaxheri italian ka kryer ndaj saj në mënyrë të vazhdueshme.
20 vjeçarja me inicialet G.L në kallëzimin e deponuar para oficerit të policisë gjyqësore ka rrëfyer se prej të paktën 1 muaj shtetasi italian Alessandro Lemme 32 vjeç me detyrë menaxher i përgjithshëm në pikën Call Center e ka ngacmuar seksualisht.
“Më nxiu jetën, nuk punoja dot në to kushte. Ngacmimet e tij ishin të përhershme”.
Pas refuzimeve të njëpasnjëshmë dhe presioneve të vazhdueshme psikologjike italiani sipas punonjëses e ka dhunuar më pas fizikisht pasi ka dalë nga ambientet e punës.
Blutë e kryeqytetit kanë vlerësuar menjëherë situatën dhe kanë shpallur në kërkim 32 vjeçarin, i cili nuk është paraqitur në vendin e punës që prej së hënës.
Materialet do ti referohen prokurorisë së rrethit gjyqësor Tiranë për veprat penale të veprimeve të turpshme parashikuar nga neni 108 i kodit penal si dhe dëmtime të tjera me dashje parashikuar nga neni 90 i kodit penal.
