Tiranë, ruante bagëtitë pranë repartit ushtarak, plagoset nga shpërthimi i fishekëve 20-vjeçari

Një 20-vjeçar ka mbetur i plagosur ditën e sotme në Tiranë. Vullnet Xhani ishte duke ruajtur bagëtitë pranë repartit ushtarak në kryeqytet, kur disa fishekë kanë shpërthyer për shkak të një zjarri që ai kishte ndezur.

Për pasojë 20- vjeçari është plagosur në këmbë. Ai është dërguar menjëherë në spitalin e traumës për të marrë ndihmën e nevojshme mjekësore. Policia  ka nisur menjëherë hetimet për të zbardhur ngjarjen.