BSH; Në mars kredia arriti vlerën e 547.1 miliardë lekësh
Banka e Shqipërisë, bën të ditur se, portofoli i kredisë ne fund të muajit mars, arriti vlerën e 547.1 miliardë lekësh, në rënie me 1.8% krahasuar me të njëjtën periudhë të një viti më parë. Gjatë tre muajve të parë të këtij viti, zhvillimet më inkurajuese erdhën sërish në segmentin e individëve, ku ka interes më të lartë për t’u rritur nga ana e bankave tregtare.
Vrojtimet e Bankës së Shqipërisë kanë treguar se në këtë segment standardet e kredisë janë çliruar ndjeshëm tremujor pas tremujori dhe normat e interesit janë në rënie të ndjeshme. Segmenti i individëve mundëson më shumë diversifikim të portofolit, por, ka një impakt më të ngadalë në rritjen e kreditimit, për shkak se vlerat mesatare të kredive janë më të ulëta.
Ndërkohë që kredia për invididë është rritur me rreth 1.4 miliardë lekë nga fillimi i vitit, kredia për biznesin, vazhdon të jetë në rënie, me një miliard lekë më pak krahasuar me fundin e Dhjetorit 2015
