Ekonomia
Corriere della Sera: Plazhet shqiptare, surpriza e kësaj vere
Mediat italiane gjithnjë e më shumë po promovojnë potencialet turistike të Shqipërisë.
Corriere della Sera shkruan se Shqipëria është destinacioni europian i momentit për të kaluar pushimet.
Gazetarja Francesca Masotti ka vizituar plazhet e jugut të Shqipërisë.
Në një artikull të publikuar dy ditë më parë, gazetarja italiane e shoqëron shkrimin e saj me foto si pjesë të një reportazhi.
Ajo shkruan se Shqipëria këto vitet e fundit është rigjeneruar, është dinamike dhe kreative.
Masotti shkruan se në Shqipëri mund të bësh pushime të lira, ka plazhe të virgjëra, ushqim të mirë dhe njerëz miqësor.
