Rama: Krenari kombëtare për 38 martirët, përulje e respekt për Papa Françeskun
Kryeministri Edi Rama e cilësoi krenari kombëtare dekretimin e Papa Françeksut për martirizimin e 38 klerikëve shqiptarë të Kishës Katolike, të cilët u dënuan dhe u persekutuan padrejtësisht nga sistemi diktatorial.
Në një postim në rrjetin social Facebook, kryeministri Rama shprehet: “krenari kombëtare për martirët dhe përulje me respekt të thellë për Papa Françeskun”.
“Papa Françesku dekreton martirizimin e 38 dëshmorëve të Kishës Katolike shqiptare, të vrarë në rrugët e ferrit komunist në Shqipëri, përgjatë viteve 1945-1974″”, shprehet Rama.
Papa Françesku firmosi sot martirizimin e 38 martirëve shqiptarë, që u dënuan dhe u persekutuan padrejtësisht nga sistemi diktatorial, pasi me besim në Zot sfiduan ideologjinë komuniste që e bëri Shqipërinë vendin “më ateist në botë”.
