Nis të hënën aplikimi i formularit A2
Të gjithë maturantë që duan të ndjekin studimet e larta, aplikimi për formularin A2, nis me datë 27 korrik. Këtë e ka bërë me dije në një dalje publike zëvëndësministrja e Arsimit dhe Sporti, Nora Malaj, e cila bëri me dije dhe kalendarin se kur do të plotësohet ai në të gjitha rrethet e vëndit.
“Këshillojmë që çdo maturant, në ditët në vijim, të bëjë përgatitjet paraprake jashtë sistemit online (Portalit të Maturës Shtetërore), duke u konsultuar me gjithë informacionin që i vihet në dispozicion nga Ministria e Arsimit dhe Sportit dhe Agjencia Kombëtare e Provimeve në faqet zyrtare online”, tha Malaj.
Zëvëndësministrja Malaj, shtoi se maturantët apo kandidatët duhet të njihen me listën e plotë të programeve të studimit që ofrohen nga Institucionet e Arsimit të Lartë Publik, për vitin akademik 2015-2016, kuotat e miratuara nga Vendim të Këshillit të Ministrave për çdo program studimi, koeficientin e shkollës për çdo program studimi (K), koeficientin e lëndëve me zgjedhje (F1 dhe F2) për çdo program studimi, formulën e llogaritjes së pikëve si dhe pikët e fituesit të fundit për çdo program studimi në vitin e kaluar akademik. Bëhet me dije se plotësimi I formularit bëhet online.
Në datat 27, 28, 29 korrik do të bëhet plotësimi i formularit në të gjithë qarkun e Tiranës. Në datën 29 korrik do të kënë mundsi të plotësojnë formularin edhe kandidatët në Kamëz, Kavajë, Durrës dhe Krujë. Në datën 30 korrik, do të plotësojnë formularin maturantët në Elbasan, Peqin, Gramsh, Libarazhd, Korçë, Pogradec, Kolonjë dhe Devoll. Në datën 31korrik do të bëhet plotësimi i formularit nga maturëntët në Fier, Mallakastër, Lushnje, Berati, Kuçovë dhe Skrapari. Në datën 1 korrik do jetë Shkodra, Malësia e madhe, Puka, Lezha, Kurbini, Mirdita ku do bëhet plotësimi i formularit. Në datën 3 korrik, maturantë në Vlorë, Sarandë, Delvinë, Gjirokastër, Tepelenë, Permet do plotësojnë formularin, ndërsa në datën 4 korrik do të jenë maturantët e Kukësit, Hasit, Dibrës, Matit, Tropojës e Bulqizës që do ta plotësojnë atë.
Në fund të fjalës së saj, zëvëndësministrja i uroi suksese të gjithë maturantëve që konkurojnë në këtë vit akdemik 2015-2016.
