Krijohet dora bionike, komandohet nga mendimi

Më parë e kishin thuajse të pamundur të bënin edhe veprimet më të thjeshta, siç ishte edhe ai i mbërthimit të kopsave të një këmishe, por më pas, falë implementimit të “dorës bionike”, tre meshkuj nga Austria, të cilët kanë pasur njërën dorë të paralizuar, i janë kthyer jetës normale.

Risia e kësaj proteze është që bën të mundur komandimin e dorës artificiale nëpërmjet mendimit. Është një protezë robotike, e cila falë sensorëve, arrin të kapë sinjalet e dërguara nga truri i përdoruesit.

Teknika e re është zhvilluar nga një grup i Oskar Aszmann në Universitetin e Vienës, në bashkëpunim me italianin Dario Farina, drejtor i departamentit të inxhinierisë së rehabilitimit neurologjik në Universitetin Gottinge në Gjermani.