Vrasja e biznesmenit në Tiranë, kjo është makina luksoze “G Class” e Edmond Papas: 49 vjeçari erdhi për të vizituar nënën në spital

Makina luksoze shihet e parkuar në anë të lokalit në zonën e selitës ku u ekzekutua 49-vjeçari. Papa u qëllua me 9 plumba në rrugën “Fadil Bodinaku”, në momentin kur po futej në lokalin në pronësi të personit me inicialet V. Sh.

Biznesmeni e goditi me një tavëll duhani që kishte në dorë, por kjo nuk i pengoi plumbat. Trupi i 49-vjeçarit ra në tokë dhe banorët e zonës e dërguan në spitalin e Traumës, por ai nuk arriti të mbijtonte.

Policia tashmë ka kryer sekuestrimin e kamerave të sigurisë për të kryer zbardhjen e ngjarjes dhe identifikimin e autorit.

Kamerat e sigurisë të zonës dhe jashtë lokalit ku ndodhi vrasja kanë fiksuar momentet kur autori ka qëndruar për disa minuta në këmbë pranë pallatit ku banonte vëllai i 49 vjeçarit.

Pranë grupit hetimor bëjnë me dije se autori ka qenë i mirë informuar për lëvizjet e 49 vjeçarit.

Edmond Papa kishte ardhur mesditën e të premtes bashkë me nënën e tij nga Saranda në Tiranë për të vizituar këtë të shtunë tek mjeku nënën e sëmurë.

Edmond Papa ka disa prona në zonën e Ksamilit në Sarandë, mes tyre dhe një hoteli të njohur “Blue Sky” në qytetin bregdetar.

Policia po heton nëse ka pasur konflikte së fundmi. Një tjetër pistë është dhe ajo e prishjes së pazareve të drogës, ku po hetohet aktiviteti kriminal i tij jashtë vendit (Greqi).