11-12 maj/BERZH organizon në Londër Forumin Ndërkombëtar të Biznesit

Banka Europiane për Rindërtim dhe Zhvillim (BERZH) në kuadër të takimit Vjetor të BERIZH do të organizojë nga data 11-12 maj në selinë e BERZH ne Londer, Forumin Ndërkombëtar të Biznesit 2016, me përfaqësues nga të gjithë vendet ku BERZH operon.

Në një njoftim për shtyp, BERZH bën të ditur se ky forum synon të mbledhë aktorë të biznesit dhe sipërmarrës, përfalqësues të institucioneve financiare dhe ekonomike nga vende të ndryshme me qëllim parashtrimin e sfidave të zhvillimit të së ardhmes dhe adresimin e mbështetjes financiare për sektorë potencialë të ekonomisë.

BERZH konsiderohet si një nga institucionet e rëndësishëm financiar që ka mbështur zbatimin e projekteve të rëndësishme në vendin tonë. Që prej fillimit të punës në Shqipëri në 1996-ën, BERZH ka investuar përafërsisht 1 miliard euro në sektorë të ndryshëm të ekonomisë shqiptare.