35 persona nën hetim për email-in kërcënues ndaj Tahirit

Shërbimi Informativ Shqiptar dhe Drejtoria e Antiterrorit ka nisur hetime intensive për origjinën e emal-it mbërritur në adresë të Ministrit Tahiri.

Burime nga Ministria e Brendshme bëjnë të ditur se “35 persona janë duke u mbajtur në survejim të plotë nga policia dhe SHISH pas email-eve kërcënuese mbërritur tek ministri Tahiri”.

Njësia antiterror dhe shërbimet sekrete kanë nisur të parët investigimet për ngjarjen.

Akoma asnjë e dhënë për kërcënuesit.

Çfarë janë “Brigadat e Kuqe”

Por ky nuk është hetimi i parë për këtë “tifogrup” të cilet kanë patur një qëndrim shumë të ashpër në kërkesat për lirimin e Ballist Morinës pak kohë më parë.

Por nuk ka të dhëna të qarta për identitetet e tyre dhe qëllimeve që kanë.

Pas ndeshjes me Serbinë në Beograd  grupi e ka përforcuar qëndrimin e tij. Por mbetet e paqartë se çfarë kërkojnë tamam këto grupime ultras dhe pse pikërisht në qendër të sulmit kibernetik është ministri Tahiri.

Emailet që i drejtohen Tahirit janë shpërndarë nga stafi i ministrit ndonëse konsiderohen “jozyrtare”.

“Brigadat e Kuqe” kryesisht janë bërë aktive gjatë situatave që kanë pasur në epiqendër ngjarjet futbollistike.