4 deputetët e rinj, KQZ zëvendëson Bushatin, Tahirin, Gjiknurin dhe Felaj

Komisioni Qendror i Zgjedhjeve, në mbledhjen e ditës së sotme shqyrtoi dhe miratoi me katër vota pro, zëvendësimin e mandatit të deputetëve Ditmir Bushati, Saimri Tahiri, Damian Gjiknuri dhe Ermonela Felaj. KQZ miratoi projektvendimin, “Për dhënien e mandatit të deputetit të Kuvendit kandidatit të listës shumemërore të Partisë Socialiste, në Qarkun Tiranë, për plotësimin e vakancës së njoftuar nga Kuvendi i Shqipërisë, pas heqjes dorë nga mandati i deputetit të Ditmir Bushati. Komisioni Qendror i Zgjedhjeve vendosi t’i japë mandatin e deputetit të Kuvendit të Shqipërisë, kandidatit të radhës në listën shumëemërore të Partisë Socialiste në qarkun e Tiranës, Erjeta Alhysa. Komisioni Qendror i Zgjedhjeve vendosi t’i japë mandatin e deputetit të Kuvendit të Shqipërisë, kandidatit të radhës në listën shumëemërore të Partisë Socialiste në qarkun e Tiranës, Ervin Bushati, i cili zëvendëson Saimir Tahiri. Komisioni Qendror i Zgjedhjeve vendosi t’i japë mandatin e deputetit të Kuvendit të Shqipërisë, kandidatit të radhës në listën shumëemërore të Partisë Socialiste në qarkun e Elbasanit, Luljeta Arapi, e cila zëvendëson Damian Gjiknurin. Ndërsa mandatin e deputetit të Ermonela Felaj, Komisioni Qendror i Zgjedhjeve vendosi që t’ia japë, kandidatit të radhës në listën shumëemërore të Partisë Socialiste në qarkun e Beratit, Anila Agalliu.