Ambasada italiane në Tiranë: Promocion fushatës “Trego fytyrën e korrupsionit”
Ambasada italiane në Tiranë i bën promocion fushatës ndërgjegjësuese “Trego fytyrën e korrupsionit”, në kuadër të projektit “Mbështetje për Masat Kundër Korrupsionit në Shqipëri”.
Ambasada italiane në Tiranë nëpërmjet statusit të saj Facebbok paraditen e së premtes bën promocion për fushatën kundër korrupsionit ku shprehet: “Fushata ndërgjegjësuese “Trego fytyrën e korrupsionit” në kuadër të Projektit “Mbështetje për Masat Kundër Korrupsionit në Shqipëri”, bashkëfinancuar nga Kooperacioni Italian dhe zbatuar nga Prezenca e OSBE-së në Shqipëri”.
Prezenca e OSBE-së në Shqipëri dhe Koordinatori Kombëtar kundër Korrupsionit më 2 dhjetor 2015 nisi një fushatë e rinovuar të informimit publik me moton te tregojnë fytyrën e korrupsionit. Komponenti më i ri i fushatës është një seri leksionesh mbi antikorrupsionin në rreth 30 shkolla te mesme dhe universitete në të gjithë vendin, qe do të vazhdoje deri më 18 dhjetor. Përveç kësaj, postera dhe parulla janë vënë në qytete te ndryshme te vendin si dhe në disa prej portaleve më të vizituara në internet.
