Ambasadori Hoffman: Reforma në drejtësi hap i rëndësishëm për hapjen e negociatave në BE

Ambasadori i Gjermanisë në vendin tonë, Helmut Hoffman theksoi të enjten domosdoshmërinë që reforma në drejtësi të miratohet para verës, si hap i rëndësishëm që Shqipëria të ecë përpara në drejtim të Bashkimit Europian.

“Reforma në drejtësi ka nevojë për bashkëpunimin e palëve. Është hap i rëndësishëm për hapjen e negociatave në BE” tha Ambasadori.

Deklaraten Ambasadori Hoffman e bëri pas nënshkrimit ne Tiranë të marrëveshjes me Ministrin e Energjisë dhe Industrise, Damian Gjiknuri  për financimin e fazës së dytë të projektit “Programi per Rinovimin e Konvikteve ne Kampusin Universitar te Tiranes sipas parimit te eficences se energjise”. Projekti ka nje vlere prej 4.5 milion Euro.