Ambasadori Lu: SHBA po ndjekin me vëmendje procesin e reformës në drejtësi

Ambasadori amerikan në Tiranë, Donald Lu, deklaroi sot se Shtetet e Bashkuara të Amerikës po ndjekin me vëmendje procesin pë reformën në drejtësi”.

Gjatë një takimi për të drejtat e njeriut organizuar nga Avokati i Popullit, ambasadori Lu tha se nuk është e lehtë të punosh për të drejtat e njeriut, ndërsa vlerësoi punën e institucionit të Avokatit të Popullit, në ketë drejtim.

“Të punosh për të drejtat e njeriut nuk është e lehtë dhe kjo nuk është bërë për njerëzit që nuk pranojnë të sfidohen.Por, stafi i Avokatit Totozani do të flasë për të vërtetën dhe drejtësinë, dhe mbi të gjitha ata ndjejnë atë që po kalojnë shqiptarët. Këtë vit kemi punuar me Avokatin e Popullit për të ndihmuar sidomos komunitetet LGBT dhe familjet rome me te cilat  Totozani ka marrëdhënie të shkëlqyera, duke shprehur vullnetin e qeverisë për të dialoguar”, u shpreh ambasadori Lu.

Ndersa Avokati i Popullit, Igli Totozani e konsideroi miratimin e reformës në drejtësi një proces jetik për shqiptarët.

“Qëndrimi im është që të drejtat e njeriut janë të drejta për këdo dhe në çdo rrethanë. Ato nuk mund të veçohen dhe as të rankohen. Ne nuk mund të qëndrojnë në pasivitet, kudo ku ka një sinjal ku po shkelen këto të drejta”, u shpreh Totozani.

Ndërsa ambasadori i OSBE-së Florian Raunig bëri apel që institucionet të adresojnë sfidat e konstatuara nga  Avokati i Popullit.