Anketa e ”Societas Civilis”: Qytetarët janë kundër zgjedhjeve njëpartiake

Instituti për Demokraci „Societas Civilis“ ka publikuar anketën më të re, sipas së cilës 63% e qytetarëve janë kundër mbajtjes së zgjedhjeve, nëse nuk marrin pjesë edhe partitë tjera politike, ndërkaq 31% janë shprehur pro, transmeton Telegrafi Maqedoni.

Anketa e këtij instituti është bërë në mënyrë telefonike me mostra reprezentative prej 1016 pesonash, nga 6 deri 11 maj.

Sipas të anketuerve, 55% janë për qeveri ekspertësh, kurse 36% janë për qeveri që del nga zgjedhjet e 5 qershorit.

61% e të anketuerve mendojnë se OJQ-të duhet të përfshihen në bisedimet për tejkalimin e krizës, kurse 27% mendojnë të kundërtën.

76% e qytetarëve nuk e arsyetojnë vendimin e kryetarit Ivanov për faljen e politikanve të cilët janë nën hetime, kurse 16% e arsyetojnë.

30% e qytetarëve mbështetin protestat e ”Revolucionit Laraman”, kurse 12% e qytetarëve mbështetin protestat e LQMM-së.

45% e qytetarëve vlerësojnë si negative rolin e BE-së dhe SHBA-ve në zgjidhjen e krizës në vend, kurse 42% e vlerësojnë si pozitive, megjithatë 53% mendojnë se SHBA-të dhe BE-ja kanë rol vendimtarë në zgjidhjen e krizës, kurse 56% mendojnë të kundërtën.

Sipas anketës, PSP-ja vlerësohet me notë 3.22, Gjykata Kushtetuese vlerësohet me notë, 2.33, Prokuroria Publike vlerësohet me notë 2.32, kurse gjykata vlerësohen me notë 2.22.

Liderët kanë marrë vlerësime negative nga të anketuarit. Ali Ahmeti vlerësohet negativisht me 55%, Gruevski me 52%, kurse Zaevi me 48%, ndërkaq në aspekt pozitiv, Zaev vlerësohet me 30%, kurse Gruevski me 33%.