Ariu sulmon një person në bjeshkët e Kukësit, i plagosuri kërkon ndihmën e helikopterit

Një person është sulmuar nga ariu në fshatin Nangë në vendin e quajtur Sasat në bjeshkët e Gjallicës duke i shkaktuar plagë të shumta në trup dhe hemoragji.

Vetë ai ka njoftuar sallën e emergjencave dhe prej dy orësh pritet ardhja e një helikopteri që do të bëjë të mëndur transportimin e tij drejt spitalit.

Personi i cili është sulmuar nga ariu ka ndezur një zjarr në mënyrë që helikopteri të lokalizojë vendndodhjen e tij.