Nisin kufizimet e para të karburantit për avionët

Kufizimet e para të karburantit për fluturimet janë zbatuar në aeroportet e Bolonjës, Milanos Linate, Trevisos dhe Venedikut.

”Air BP Italia”, një nga operatorët kryesorë, ka lëshuar një “Notam”, një buletin aeronautik drejtuar linjave ajrore, duke i informuar ato se për ditët e ardhshme, deri më 9 prill, kufizimet e karburantit do të zbatohen në të katër aeroportet.

Përparësi për furnizim me karburant, shpjegoi kompania, pjesë e gjigantit britanik BP, do t’u jepet fluturimeve të ambulancës, fluturimeve qeveritare dhe fluturimeve që zgjasin më shumë se tre orë.

Për të gjitha fluturimet e tjera, karburanti do të shpërndahet sipas një orari të kufizuar.

Për fluturimet e tjera, do të ketë një limit prej 2,000 litrash.

“Ne nuk parashikojmë mungesa karburanti në afat të shkurtër, por situata po evoluon. Furnizuesit tanë të karburantit aktualisht mund të garantojnë furnizime deri në mesin ose fundin e maji”, thekson BP.

Ryanair njoftoi gjithashtu se “nëse lufta në Iran përfundon së shpejti, furnizimet nuk do të ndërpriten”.

Megjithatë, nëse mbyllja e Ngushticës së Hormuzit do të vazhdojë deri në maj ose qershor, nuk mund të përjashtojmë rreziqet për furnizimet me karburant në disa aeroporte evropiane”.