Arrestohet drejtori i komanduar i burgut të Reçit në Shkodër
Arrestohet drejtori i komanduar në burgun e Reçit në Shkodër, Ervis Zika.
Zika u vu në pranga nga Shërbimi i Kontrollit të Brendshëm të Burgjeve me urdhër të Prokurorisë së Rrethit Gjyqësor Shkodër. Gjykata e Shkodrës ka caktuar “arrest me burg” dhe “Pezullimi i ushtrimit të një detyre a shërbimi publik”.
“U ekzekutua urdhëri i Prokurorisë se Rrethit Gjyqësor Shkodër, në zbatim të vendimit të Gjykatës së Rrethit Gjyqësor Shkodër me Nr.262 datë 25.04.2022, e cila ka vendosur caktimin e masës së sigurimit personal “Arrest me burg“ dhe “Pezullimi i ushtrimit të një detyre a shërbimi publik” parashikuar nga neni 238 dhe 240/a të K.Pr. Penale, ndaj shtetasit Ervis Zika“, thuhet në informacionin paraprak.
Zika dyshohet se ka lejuar futjen e sendeve të ndaluara në ambientet e vuajtjes së dënimit.
Në lidhje me vjedhjen, ai ka marrë karburant duke firmosur kartela fiktive. Dyshohet se ai ka futur sendet e ndaluara brenda pa kaluar në skaner.
Për abuzim me karburantin po hetohen edhe ish-zyrtarë të tjerë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.