Asambleja, Lakrori prezanton lëvizjen për demokraci në PS, mbështetet nga Mejdani, Blushi e Hafizi

Gjatë mbledhjes së Asamblesë të Partisë Socialiste e të zhvilluar dje e cila zgjati rreth 6 ore, Maqo Lakrori ka njoftuar krijimin e Lëvizjes për Demokraci në PS. Përveç tij, deri tani pjesë e kësaj lëvizjeje janë edhe 7 anëtarë të tjerë të Asamblesë: Rexhep Mejdani, Ben Blushi, Mimoza Hafizi, Suzana Akrama, Ndre Legisi, Petrit Ago dhe Namik Kopliku. Në platformën e kësaj lëvizjeje shpjegohet se “Sot demokracia e brendshme në PS është thellësisht e dëmtuar dhe rrjedhimisht po deformohet  çdo ditë vetë natyra e partisë”. Mungesa e demokracisë së brendshme në PS – thekson platforma – po dëmton çdo ditë edhe qeverisjen e vendit në emër të socialistëve shqiptarë, të elektoratit të majtë dhe progresistëve në përgjithësi. Përveç largimit nga PS të të inkriminuarve dhe oligarkëve, kjo Lëvizje kërkon të njëjtën gjë edhe për ata që nuk respektojnë vendimmarrjen kolegjiale.

Maqo Lakrori, i diplomuar në Freancë për shkenca ekzakte është nga antarët themelues të Partisë Socialiste dhe një hartuesit dhe njohësit më të mirë të Statutit të Partisë. Gjatë ketyre viteve ai ka qënë pjesë e strukturave të larta të kësaj partie dhe e ekzekutivit shqiptar.