Basha: Shqiptarët më të varfër, Rama sulmon pronat e bizneset e qytetarëve

Gjendja ekonomike, papunësia dhe falimentimi i bizneseve të vogla familjare, ka qenë shqetësimi i kryetarit të PD-së Lulzim Basha për mënyrën e menaxhimit të situatës ekonomike në vend nga ana e qeverisë.

Përmes një postimi në rrjetin social “Facebook”, kreu i opozitës ka theksuar se shqiptarët janë më të varfër se një vit më parë, duke akuzuar kryeministrin Rama si shkatërrimtarin e pronave dhe bizneseve të qytetarëve: “

“Shqiptarët janë sot më të varfër se një vit më parë, – shkruan Basha. – Papunësia dhe pamundësia ekonomike po godasin mijëra familje. Numri i shqiptarëve azilkërkues është dyfishuar. Vetëvrasjet po ashtu. Vendi ka mbetur pa qeveri të vërtetë. ‘Vajmedeti’ cicëron i gëzuar për falimentimin e biznesit të vogël familjar. Në vend që të luftojë varfërinë, ka zgjedhur të luftojë shqiptarët, pronat dhe bizneset e tyre”, – e mbyll postimin kryetari i PD-së.