BSH: Remitancat u rritën 17%

Banka Qendrore evidenton përmes treguesve, se një tjetër rritje për tremujorin e dytë të vitit, krahas investimeve të huaja shënoi edhe dërgesa e emigrantëve, që arritën vlerën e 162 milionë euro, ose 17% më shumë se ne të njëjtën periudhë të vitit 2014.

Për 6-mujorin e parë, remitancat prekën vlerën e 304 milionë eurove, në rritje vjetore me afro 19%. Ekspertet bankare shprehen se, kjo rritje ndjek ecurinë pozitive të vitit 2014, kur remitancat iu rikthyen rritjes, pas disa vitesh radhazi rënie.

Sipas tyre, një nga arsyet e rritjes së remitancave mund të shpjegohet me një përmirësim të lehtë në ekonomitë e vendeve ku emigrantët shqiptarë janë më të përqendruar, por ndoshta në një masë më të madhe me kthimin përfundimtar të shumë prej tyre në Shqipëri.