Bursa e Athinës bie më shumë se katër për qind pas fjalimit të Ciprasit

Bursa e Athinës regjistroi sot një rënie me më shumë se katër për qind pasi u hap, për shkak të një fjalimi mbi politikat e përgjithshme të kryeministrit grek Aleksis Cipras ne parlament, që nuk tërhiqet aspak nga premtimet e qeverisë së majtë.

Pasi u hap në rënie me 0,28 për qind, treguesi i përgjithshëm “Athex” regjistoi pak më vonë një përshpejtim zhvlerësimit të saj me 4,20 për qind, ndërkohë që tratativat vazhdojnë në Athinë për të ulur tensionet mes Greqisë dhe kredituesve të saj mbi programin e financimit dhe të reformave të vendit.