Cani: Crown Agents do të iki; i pakënaqur me doganat, ka kontrabandë
Ministri i Financave, Shkëlqim Cani deklaroi se administrimi i TVSH-së nuk mund të bëhet nga vetë qeveria pasi ka mungesë të teknologjisë.
Gjatë një interviste në emisionin “Ekopolitikë” të Ora News, Cani tha se ka probleme me TVSH-në dhe ka evazion dhe për ta luftuar duhet teknologji.
Kreu i financave duke sjellë shembuj konkretë u shpreh se ekzistojnë dy elementë që administrimi i TVSH-së nuk mund të bëhet vetë. Fillimisht nuk ka para dhe e dyta është mungesa e trurit. Në lidhje me kontratën e Rapiscan, Cani tha se nga negociata me këtë kompani u parashikua që të kursehej 200 milionë euro.
Duke folur për kompaninë që asistoi qeverinë shqiptare në mbledhjen e të ardhurave nga dogana, Cani tha se kompania Crown Agents vitin tjetër do të iki, ndërsa u shpreh i pakënaqur me punën e doganave, pasi ka kontrabandë.
