Daçiq: Edhe sot provokime, barrikada dhe pengim të lëvizjes

Nënkryetari i parë i qeverisë dhe njëherësh shefi i diplomacisë serbe, Ivica Daçiq ka thënë të mërkurën se Serbia angazhohet që të jetë konstruktive, por sipas tij Prishtina vazhdimisht po provokon si në rastin e pengimit të sotëm të marrjes pjesë të serbëve në mitingun në Leposaviq dhe vendosjen e barrikadave.

“Për çfarë shërben kjo”, ka pyetur Daçiq në konferencën për media pas takimit me shefin e diplomacisë së Luksemburgut, Jean Asselborn, duke shtuar se Beogradi është kundër “hapave të njëanshëm në Kosovë”.