Davoutoglu: Duhet të reagojmë të gjithë kundër terrorizmit

Kryeministri turk, Ahmet Davutoglu përshëndeti dje marshimin historik në Paris kundër terrorizmit si një mesazh i fortë drejtuar botës duke shtuar se do të dëshironte reagime të ngjashme në rast sulmesh kundër xhamive apo në rast islamofobish.

Davutoglu iu bashkua 50 drejtuesve botërorë në marshimin historik në Paris në kuajtim të 17 viktimave të vrarë nga tre xhihadistët.

Prania, në marshimin historik e kryeministrit turk, një prej drejtuesve kryesorë myslimanë, u cilësua në Turqi si një gjest shumë simbolik.

“Ky është një mesazh drejtuar gjithë botës se të gjithë duhet të ngrihemi kundër terrorizmit”, konfirmoi Davutoglu për gazetarët në ambasadën turke në Paris.

“Ne presim që e njëjta ndjeshmëri të shprehet për sulmet kundër xhamive apo në rast islamofobish”, shtoi ai.

Ai përshëndeti gjithashtu propozimet e presidentit francez, François Hollande, i cili deklaroi se ”këta fanatikë që kryen atentatet nuk kanë asgjë të përbashkët me fenë myslimane”.