Dërgohen për gjykim 7 zyrtar të komunës Mat, shkaktuan 10 milionë lekë dëm ekonomik

Prokuroria e Matit ka përfunduar hetimin dhe dërgon për gjykim 7 zyrtarë të komunës Lis, përfshirë edhe Kryetarin e saj, të gjithë të akuzuar për veprat penale të “Shpërdorimit të detyrës” dhe “Fallsifikimit të dokumentave…”, veprime të cilat kanë sjellë një dëm ekonomik në vlerën e mbi rreth 10 milionë lekëve të reja.

Nga hetimi i Prokurorisë, i cili ka nisur pas kallëzimit të bërë nga ana e disa shtetasve, kanë rezultuar, në mënyrë të përmbledhur, këto lloj shkeljesh:
Janë kryer pagesa për shërbime publike, të cilat janë tërësisht fiktive dhe nuk ka asnjë punë të kryer.
Janë kryer pagesa për shërbime të brendshme të komunës, të cilat janë tërësisht fiktive dhe nuk është marrë asnjë shërbim për paratë e shpenzuara.
Është kryer një procedurë prokurimi publik për blerjen e rreth 160 tonerave bojë printeri, ndërkohë që komuna nuk ka printera, si dhe i është shitur makina e komunës tip Land Rover, me vlerë 1.8 milionë lekë kryetarit të komunës, i cili e ka blerë me vlerë 125 mijë lekë (pra, rreth 1.6 milion lekë më lirë se sa vlera reale).

Në përfundim të hetimeve, për shkeljet e konstatuara si më sipër, Prokuroria e Matit ka dërguar për gjykim shtetasit:
Agim Selita, Kryetar i Komunës Lis, Mat
Dritan Farrici, zyrtar i komunës
Liljana Aliaj, zyrtare e komunës
Dashamir Panxha, zyrtar i komunës
Hismet Barhani, zyrtar i komunës
Qemal Marqeshi, zyrtar i komunës
Ismail Brahimetaj, zyrtar i komunës