“Doshi”, shtyhet seanca në Gjykatën e Lartë; avokatët drejt Strasburgut

Në Gjykatën e Lartë është shtyrë këtë të martë seanca lidhur me kërkesën e avokatëve të deputetit Tom Doshi, për ndryshimin e masës së sigurisë ndaj tij.

Në dalje të gjykatës, avokatët e ish-deputetit socialist kanë kundërshtuar masën e vendosur ndaj klientit të tyre, duke insistuar se ajo është e panevojshme.

“Rrethanat janë të tilla që masa ‘arrest shtëpie’ mund të ndryshohet. Nëse Gjykata e Lartë nuk vepron, atëherë do t’i drejtohemi Gjykatës së Strasburgut”, kanë deklaruar avokatët.

Seanca e radhës për shqyrtimin e kërkesës së përfaqësuesve ligjorë të zotit Doshi është caktuar për më 28 prill.