Durrës, kapet kamioni me rreth 1 ton kanabis në port

Një sasi e konsiderueshme droge është sekuestruar ne Portin e Durrësit në një operacion të zhvilluar gjatë natës mbrëmjen e të martës.

Sasia e madhe e drogës është gjetur në mjetin tip kamion Daf, që drejtohej nga një shtetas maqedonas. Kamioni ishte i ngarkuar me kuti të mbushura me kastraveca dhe në mes të kastravecave kishte qese të mbushura me lëndë narkotike.

Sipas burimeve paraprake të policisë, mësohet se është kryer një operacion super i strukturuar antikanabis në Portin e Durrësit. Mësohet se policia po bën matjet dhe nga informacionet paraprake dyshohet se mund të jetë afërsisht një ton kanabis.