E dënuara rrëfehet nga qelia: Si ia vodha paratë gruas së Ardian Çipës
Rozalinda Konomi ndodhet në burg për disa vjedhje, mes të cilave edhe për vjedhjen e gruas së nëndrejtorit të Përgjithshëm të Policisë së Shtetit, Ardian Çipa.
Ajo është rreth 40 vjeçe, me origjinë nga Vlora, por teksa rrëfehet për jetën e saj kuptohet që ka vuajtur shumë dhe nuk ka pasur moment të qeta.
“Rozalinën e takuam mes grave të dënuara në burgun 325 në Tiranë. Ne e njohim me emrin Rozalinda Konomi, si gruaja që në qershor të vitit të kaluar u arrestua për disa grabitje në kryeqytet”- shkruan Shekulli.
Në listën e personave të grabitur ishte bashkëshortja e personave të grabitur ishte bashkëshortja e nëndrejtorit të Përgjithshëm të Policisë së Shtetit, Ardian Çipa.
Rrëfimi
“Unë kisha dalë nga banesa në kryeqytet, të cilën e kisha marrë me qera. Rrija prej disa kohësh. Isha futur në një dyqan dhe po shihja veshje të ndryshme.
Në atë moment aty futet një grua e veshur mirë dhe me një çantë që të tërhiqte vëmendjen. Unë mendova se ajo do të kishte para. U afrova dhe pashë çantën hapur. Futa dorën dhe mora një sasi të konsiderueshme parash.
Nuk mund të them me saktësi sesa lekë mora. Thjesht futa dorën dhe mora një grusht me para. Sa i mora dola jashtë nga dyqani dhe u nisa të largohesha. Por më pas u pendova dhe u ktheva.
Zonjës ia dhashë sërish lekët. Por kjo duket nuk vlejti për këtë rast. Mësova se ajo ishte gruaja e nëndrejtorit të Policisë së Shtetit, Ardian Çipës. Këtë e mësova në qeli”.
