Elbasan: Erion Mihallari, 37-vjeç është personi që mbeti i vrarë këtë mbrëmje, gjenden 2 gëzhoja pistolete
Erion Mihallari, 37-vjeçar është personi që mbeti i vrarë këtë mbrëmje në qytetin e Elbasanit. Ai u qëllua disa herë me thikë në trup, nga disa persona ende të paidentifikuar. 37-vjecari ndërroi jetën rrugës për në spital pasi nuk mundi t’i mbijetojë plagëve të marra.
Ngjarja ka ndodhur pranë Stacionit të Trenit në qytetin e Elbasanit rreth orës 21 të mbrëmjes së sonte, ku Mihallari sapo ka zbritur nga makina e tij. Ai është rrethuar nga disa persona që dyshohet se i kishin bërë pritë 37-vjeçarit. Sipas dëshmitarëve, ata e kanë qëlluar sapo ai ka zbritur nga makina.
Policia e mbërritur në vendngjarje ka nisur hetimet për ngjarjen e rëndë. Pavarësisht se 37-vjecari ka ndërruar jetë nga plagët e marra nga goditjet me thikë, në vendin e ngjarjes uniformat blu kanë gjetur edhe 2 gëzhoja pistolete, çka ngre dyshime se mund të jenë përdorur edhe armë zjarri.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.