Eurozona, me shpejtësi të ndryshme në 2016-n

Parashikimi i Komisionit Europian tregon se PBB-ja (Produkti i Brendshëm Bruto) e vendeve si Irlanda dhe Rumania mund të rritet me 4% ose më shumë se sa në vitin 2016. PBB-ja e Polonisë dhe Letonisë mund të rritet me 3% ose më shumë. Ekonomitë e mëdha të BE-së (Bashkimi Europian) si Franca (EWQ), Gjermania (GPZ) dhe Mbretëria e Bashkuar (EWU) ka të ngjarë të dëshmojnë një rritje prej 1% ose më shumë se sa në vitin 2015. Greqia do të vazhdojë fazën e recesionit të ekonomisë në 2016. Ajo do të jetë i vetmi vend në BE me një normë negative të rritjes gjatë vitit 2016.

Zhvlerësimi i euros nxit eksportet

Të dhënat bëjnë të ditur se një euro më e dobët do të rrisë eksportet e vendeve anëtare. Një monedhë më e dobët rrit konkurrencën e çmimeve të eksporteve. Euro ra ~ 7% kundrejt të gjitha monedhave kryesore botërore. Kompanitë e prodhimit të makinave si Volkswagen (VLKAY), Daimler (DDAIF), BMW dhe eksportuesit e shërbimeve software si SAP (SAP), Ericsson (ERIC) dhe Hexagon do të fitojnë nga një euro më e dobët.

Rritje e qëndrueshme në vitin 2016?

Në vitin 2016, rritja ekonomike në Eurozonë pritet të jetë më e qëndrueshme sipas opinioneve të ekspertëve. Më poshtë jepen disa tregues të rëndësishëm të tregut për të analizuar rritjen e ardhshme në rajon.

Shpenzimet e konsumatorëve

Sipas një studimi nga Komisioni Europian në nëntor, besimi i konsumatorëve u rrit në -6.0 nga -7.6 në tetor. Është një tregues se shpenzimet e konsumatorëve mund të përmirësohen. Kjo do të ndihmojë të nxisë rimëkëmbjen modeste ekonomike të Eurozonë në të ardhmen e afërt.

Investimet kapitale

Mund të pritet akses më i mirë i kapitalit në rajon për shkak të shkallës së ulët të interesit. Qasja e lehtë në kapital mund të çojë në më shumë investime në këtë zonë. Ky është një faktor i rëndësishëm që stimulon ekonominë.

Qasja në statistikat e punësimit

Vlerësimi tregon se norma e punësimit mund të jetë rritur me 1% në vitin 2015. Po ashtu ka gjasa që shkalla e punësimit do të vazhdojë të rritet në vitin 2016. Norma e punësimit mund të rritet me 0.9% në vitin 2016 dhe 2017. Megjithatë, të dhënat do të jenë të pabarabarta në mesin e vendeve anëtare. Vende si Rumania dhe Irlanda mund të shfaqin një shkallë të lartë punësimi. Vendet si Franca dhe Gjermania mund të tregojnë rritje modeste në normën e punësimit. Greqia ka mundësi të dëshmojë një normë të sheshtë ose në rënie të punësimit gjatë 2016.

Çmimet në rënie të naftës ka të ngjarë të nxisin ekonominë e Eurozonës

Duke qenë se BE (Bashkimi Europian) është një importues neto i naftës së papërpunuar, çmimet në rënie të naftës do të kenë ndikim pozitiv në ekonomi. Kompania ajrore Aerospace Company Airbus (EADSY) përfiton direkt nga rënia e çmimeve të naftës së papërpunuar. Industri të tjera si ato të prodhimit të makinave dhe kujdesit personal janë ndikuar pozitivisht nga çmime më të ulëta të naftës së papërpunuar. Aksionet e kujdesit personal si Unilever (UN) dhe L’Oreal (LRLCY) u rritën ~15% për shkak të çmimeve më të ulëta të naftës së papërpunuar.

Raporti i publikuar nga Qendra e Përbashkët Kërkimore deklaron se konsumi i produktit të naftës së Mbretërisë së Bashkuar (EWU) është 20-35%. Vendet si Gjermania (GPZ) dhe Franca (EWQ) kanë një raport prej rreth 35-45%. Mbretëria e Bashkuar është prodhuesi më i madh i naftës bruto. Megjithatë, ai është ende një importues neto i naftës së papërpunuar. Danimarka është i vetmi eksportues neto i naftës së papërpunuar në BE. Vende të tjera si Bullgaria konsumojnë produkte të naftës në më shumë se 65% të PBB-së së saj (Prodhimit të Brendshëm Bruto). Rënia e çmimeve të naftës së papërpunuar do të ketë ndikim pozitiv në ekonomi. Që nga mesi i vitit 2014 e deri më sot, treguesi referencë për naftën e papërpunuar europiane, Brent, ra më shumë se 60%.

Në skenarin aktual, rënia e çmimeve të naftës së papërpunuar do të ketë ndikim pozitiv në PBB-në e vendeve të BE-së. PBB-ja e Greqisë mund të dëshmojë ndikim pozitiv prej 2.4-3% për shkak të çmimeve më të ulëta të naftës së papërpunuar. Gjermania dhe Mbretëria e Bashkuar mund të dëshmojnë ndikim pozitiv prej 30-60 pikë bazë në PBB. Franca dhe Italia prej 60-120 pikë bazë në ekonomi.

A është i pashmangshëm Referendumi i Britanisë në 2017?

Mbretëria e Bashkuar do të mbajë një referendum në fund të vitit 2017. Ai do të vendosë nëse vendi do të qëndrojë apo do të largohet nga BE. Referendumi është një sistem votimi në mbarë vendin. Në referendum voton çdo qytetar. Sipas sondazheve të fundit nga YouGov, rreth 40% e qytetarëve të Mbretërisë së Bashkuar dëshirojnë të largohen nga BE-ja (Ezu). Ata mendojnë se BE-ja imponon shumë rregulla mbi biznesin. BE-ja ‘ngarkon’ me miliarda paund kuotat e anëtarësisë çdo vit. Për shkak të rritjes së emigracionit, janë reduktuar vendet e punës për banorët në Mbretërinë e Bashkuar. BE-ja i lejon njerëzit të lëvizin lirisht brenda vendeve anëtare. Sovraniteti i Mbretërisë së Bashkuar është komprometuar vitet e fundit. BE-ja imponon rregulla lidhur me mbrojtjen, gjyqësorin dhe hartimin e politikave.

Të qëndrojmë apo jo në BE?

Anketat nga YouGov tregojnë se 38% e qytetarëve të Mbretërisë së Bashkuar dëshirojnë të qëndrojnë në BE. Përfitimet e qëndrimit në BE përfshijnë:

Barrierat tregtare janë minimale për shitjen e mallrave dhe shërbimeve në vendet e tjera europiane. Këto grupe njerëzish mendojnë se emigracioni nuk përbën ndonjë problem të madh. Nëse ka lëvizje në masë të gjerë të talenteve të reja në vend, kjo do të ndihmojë zhvillimin ekonomik. Ata mendojnë se largimi nga BE-ja do të zbehë statusin politik dhe ekonomik të Mbretërisë së Bashkuar në nivel global.

Shumica e IHD-ve në Mbretërinë e Bashkuar buron nga kombet e tjera të BE-së. Kjo mund të dëmtohet nga një Brexit i mundshëm. Sipas sondazhit të Ernst & Young për 2015 rreth atraktivitetit europian, sektori financiar i Mbretërisë së Bashkuar ka tërhequr IHD-të më të larta në vitin 2013. Kompanitë e sektorit financiar me kapital të lartë janë HSBC (HSBC), Barclays (BCS), Lloyds Banking Group (LYG) dhe Royal Bank of Scotland (RBS). Së bashku, ato përbëjnë zotërimet kryesore në indeksin iShares MSCI United Kingdom Index ETF (EWU) në sektorin financiar.