Fenomeni ekstrem në Shkodër/ Në 50 minuta qyteti u zbardh nga breshëri

Rrrugët janë zbardhur si të ishte dimër, ndërsa për pastrimin e tyre kanë mbërritur eskavatorët. Duket se janë krijuar ngrica për shkak të breshërit dhe njerëzit kanë dalë jashtë për të pastruar rrugët derisa kanë mbërritur eskavatorët.

Sikurse shihet edhe nga pamjet breshëri i rënë vijon të jetë ende prezent në rrugë, ka zbardhur Shkodrën sikur të kishte rënë borë. Mësohet se mbrëmjen e kaluar, linja e transmetimit 35 kV është këputur në Fushë-Arrëz dhe shkak janë bërë kushtet atmosferike dhe era e fortë. Për pasojë, e gjithë zona e Pukës është pa energji elektrike deri në riparimin e dëmit.

Meteoalb e ka cilësuar fenomen ekstrem faktin që në 50 minuta kanë rënë mesatarisht 55 mm reshje shiu dhe kryesisht breshër.

Sipas parashikimit të motit të dy ditëve më parë, pritej që disa qytete të kishin reshje shiu.