Fier/ Flakët riaktivizohen në Peshtan, banori ngre dyshime për zjarrvënie të qëllimshme

Një banor i zonës së Peshtanit në Fier ka denoncuar përfshirjen nga zjarri të një sipërfaqeje pyjore, duke ngritur dyshime se flakët mund të jenë vendosur qëllimisht.

Sipas banorit, zjarri i një dite më parë ishte shuar në zonë, ndërsa sot flakët janë shfaqur në një tjetër pjesë të pyllit, e cila më herët nuk ishte prekur nga zjarri.

Kjo situatë ka shtuar dyshimet për ndërhyrje të qëllimshme, ndërsa banori kërkon që autoritetet të hetojnë shkaqet e rënies së zjarrit dhe të verifikojnë nëse pas flakëve fshihet një zjarrvënie e qëllimshme.

Për momentin, shkaku i zjarrit mbetet i paqartë dhe pritet që hetimet të përcaktojnë rrethanat e ngjarjes.