Fillojnë bisedimet mes Lavrov dhe Kerryt për Ukrainën dhe vrasjen e Nemtsov

John Kerry, sekretari amerikan i Shtetit dhe homologu rus, Serguei Lavrov filluan sot në Gjenevë bisedimet, që mendohet të jenë të vështira, për të ardhmen e Ukrainës dhe vrasjen e Boris Nemtsov, një prej opozitarëve kryesorë të Vladimir Putin.

Ky takim u zhvillua një javë pasi John Kerry akuzoi zyrtarët rusë për mungesë sinqeriteti përsa i përket luftimeve në lindje të Ukrainës

Pas mbërritjes në një hotel në Gjenevë, ku do të zhvillohet takimi, dy krerët kanë bërë një shtrëngim të shkurtër duarsh, por atmosfera ka qenë e tendosur dhe nuk kanë bërë asnjë deklaratë për shtyp.

Takimi filloi disa minuta pas publikimit të një raporti të ri nga OKB-ja për situatën e të Drejtave të Njeriut në Ukrainë, që i referohet më shumë se 6 000 të vdekurve që prej fillimit të luftës civile në prill 2014.