FMN-ja kredi të re Ukrainës me vlerë 15,5 miliardë euro

Fondi Monetar Ndërkombëtar i propozoi Ukrainës, ekonomia e së cilës po i afrohet falimentimit, një kredi të re me vlerë 15,5 miliardë euro, por në shkëmbim të reformave, njoftoi sot drejtoresha e përgjithshme e këtij fondi, Christine Lagarde.

”Marrëveshja që pritet të nënshkruhet në Kiev duhet të marrë miratmin e Këshillit Administrativ të FMN-së dhe unë shpresoj që një gjë e tillë të arrihet përpara fundit të shkurtit”, deklaroi Lagarde gjatë një konference shtypi në Bruksel.