Fushë-Krujë, makina aksidenton për vdekje këmbësorin

Një aksident i rëndë me pasojë vdekjen ka ndodhur mëngjesin e sotëm në Fushë-Krujë.

Burime policore bëjnë të ditur se ngjarja u shënua rreth orës 05:00 në fshatin Arrameras.

Sipas informacioneve të para, viktimë e aksidentit ka mbetur një endacak 50-vjeçar.

Shkak mësohet të ketë qenë pakujdesia e viktimës si dhe errësira. Policia njofton se ka prangosur drejtuesin e mjetit për t’iu nënshtruar veprimeve hetimore.