Gjirokastër, policia ndalon 70 klandestinë sirianë, hynë në vendin tonë nga Greqia

Policia e Gjirokastrës ka ndaluar në orët e para të së mëngjesit të sotëm 70 klandestinëve nga Siria.

Sipas burimeve, ata janë ndaluar pas informacioneve të mbledhura në rrugë operative, në momentin që po kalonin në fshatin Glinë.

Katër ditë më parë, sërish policia e Gjirokastrës ndaloi 44 shtetas sirianë, të cilët dyshohet se kishin hyrë në Shqipëri përmes Greqisë. Mes klandestinëve të ndaluar ishin edhe dy gra dhe një fëmijë.

Destinacioni i tyre mendohet të ketë qenë një prej vendeve të Europës perëndimore. Autoritetet shqiptare nisën menjëherë procedurat për kthimin e tyre në Siri.