Gjykata/ 25-vjet burg 39-vjeçarit, vrau të moshuarin në xhaminë e Dushkut

Gjykata e Lushnjes ka vendosur të dënojë me burgim të përjetshëm vrasësin e të moshuarit 83-vjeçarit, në xhaminë e Dushkut në Lushnje, Arjan Allan, ngjarje e ndodhur 1 vit më parë, por meqënëse se Alla ka kërkuar gjykim të shkurtuar, atij i është zbritur 1/3 e dënimi, pra Alla do të vuaj 25 vjet heqje lirie.

39-vjeçari nga fshati Dushk i Lushnjes, u akuzua dhe më pas u dënua me burgim të përjetshëm nga Gjykata e rrethit të Lushnjes për kryerjen e veprës penale të “vrasjes në rrethana të tjera”, në dëmë të shtetasit, Shamshir Muça 83-vjeçar. Gjatë shqyrtimit të dosjes së përpiluar nga prokuroria në ngarkim 39-vjeçarit, Alla pranoi krimin dhe kërkoi gjykim të shkurtuar, ç’ka solli, sipas ligjeve në fuqi zbritjen e dënimit të tij në 25-vjet heqje lirie.

Nga zbardhja e vendimit të Gjykatës, mësohet gjithashtu se Prokuroria nuk ka arritë të zbardhë arsyet e krimit në fjalë, pasi vetë autori nuk ka pranuar të rrëfehet lidhur me këtë pjesë, ndërsa ka pranuar autorësinë e krimit. Gjithësesi Prokuroria dhe familjarët e të ndjerit, në dosjen e dorëzuar në gjykatë kanë shprehur dyshimin e tyre se Alla përmes kësaj vrasje ka kërkuar të kërcënoi komunitetin muslimanm, pasi sipas hetimeve rezulton se Alla dhe i moshuari, Shamshir Muça nuk kanë pasë konflikte të mëparshme .