Gjykata Kushtetuese e Shqipërisë, e thirrur nga kryetarja Vitore Tusha, zhvilloi sot mbledhjen e gjyqtarëve, ku në rend dite ishte organizimi e shortit për caktimin e kolegjeve të Gjykatës Kushtetuese.
Gjithashtu në rend dite ishte dhe diskutimi në lidhje me fillimin e procedurës për zgjedhjen e Kryetarit të Gjykatës Kushtetuese.
Në përfundim, Mbledhja e Gjyqtarëve vendosi se, procedura për caktimin e kolegjeve për vitin 2023 të zhvillohet pas fillimit të detyrës së gjyqtares së zgjedhur nga Mbledhja e Posaçme e Gjykatës së Lartë në datën 16.01.2023.
Gjithashtu mbledhja vendosi vijimin e funksionimit të kolegjeve sipas përbërjes ekzistuese.
Gjithashtu u vendos ndryshimi i vendimit nr. 19, datë 15.12.2022 të Mbledhjes së Gjyqtarëve të Gjykatës Kushtetuese për përbërjen e kolegjit numër 2 me Kryesuese Sonila Bejtja, anëtar Genti Ibrahimi, anëtare Marjana Semini.
Po, ashtu u vendos fillimi i procedurave për zgjedhjen e Kryetarit të Gjykatës Kushtetuese.
Kërkesa për shprehje interesi nga gjyqtarët mund të paraqitet jo më vonë se 7 ditë nga fillimi i detyrës së gjyqtares së zgjedhur nga Mbledhja e Posaçme e Gjykatës së Lartë në datën 16 janar.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.