Gruaja vdes në spitalin privat në Tiranë, mjekët nuk njoftuan policinë

Një 39-vjeçare ka gjetur vdekjen në një spital privat gjinekologjik, por mjekët nuk kanë njoftuar policinë.

Ngjarja është rënduar edhe më tej, kur familjarët e viktimës janë lejuar që të marrin kufomën nga spitali pa iu nënshtruar ekspertizës mjeko-ligjore. E gjithë kjo është bërë që e vërteta për vdekjen e saj të mos zbardhet.

Ngjarja ka ndodhur një ditë më parë dhe policia njofton se ka referuar materialet në Prokurorinë e Tiranës, për shtetasit B.N, Z.D e V.T, vjeç 44, 50 e 61, banues në Tiranë, drejtor i një institucioni Gjinekologjik privat dhe mjek anestezist, pasi dyshohet se ka gjetur vdekjen shtetasja E.S, vjeç 39, banuese në Tiranë.

“Ata nuk kanë njoftuar në kohë organet kompetente dhe kanë lejuar që të merrej kufoma nga të afërmit, pa iu nënshtruar ekzaminimeve në morgun e I.M.L”, – thuhet në njoftimin e policisë.