Haradinaj: Presidentja nuk mund t’i shpallë zgjedhjet

“Presidentja e Kosovës, Atifete Jahjaga, nuk mund t’i shpallë zgjedhjet e reja, për ato vendosin deputetët”, theksoi lideri i Aleancës për Ardhmërinë e Kosovës, Ramush Haradinaj, pas takimit që ka pasur me liderët e VLAN-it.

Sipas KosovaPress, Haradinaj tha se Presidentja mund të vendosë vetëm për vete, dhe u shpreh i bindur se nuk do të ketë zgjedhje pasi sipas tij, nuk mund të mbahen ato vetëm pse dëshirojnë 36 deputetë.

Kreu i AAK përsëriti se do të ketë ndryshim rrënjësor në qeverisjen e vendit dhe se institucionet do t’i formojë shumica, e që në këtë rast janë VLAN.