Haxhiu takon të enjten krerët e partive politike për të caktuar datën e zgjedhjeve

Ushtruesja e detyrës së presidentes, Albulena Haxhiu, ka thirrur në takim për të enjten, më 30.04,2026, përfaqësuesit e partive politike për të diskutuar për caktimin e datës së zgjedhjeve të parakohshme parlamentare.

Ushtruesja e detyrës së presidentes, Albulena Haxhiu, ka thirrur në takim për të enjten, më 30.04,2026, përfaqësuesit e partive politike për të diskutuar për caktimin e datës së zgjedhjeve të parakohshme parlamentare.

Sipas njoftimit, takimi do të zhvillohet në ora 15:00 në objektin e Kuvendit të Kosovës.

Kuvendi i Kosovës ka dështuar të zgjedhë presidentin e vendit.

Seanca e nisur më 27.04.2026 për zgjedhjen e presidentit të Kosovës dështoi mbrëmë, më 28.04.2026, pas disa tentimeve, për shkak të mungesës së kuorumit për fillimin e procedurës së votimit.

Ligjet në fuqi parashohin që nëse presidenti i ri nuk zgjidhet brenda afatit kushtetues, atëherë Kuvendi shpërndahet dhe vendi shkon në zgjedhje të reja parlamentare.

Lëvizja Vetëvendosjes, e cila kishte shumicën parlamentare, pas tërheqjes se kandidatëve Glauk Konjufca e Fatmire Mulhaxha-Kollçaku, kishte mbledhur nënshkrimet për Feride Rushitin dhe Hatixhe Hoxhën.

As këto dy kandidatura nuk u përkrahën nga partitë opozitare.

Sipas aktgjykimit të Kushtetueses, Kuvendi u shpërnda dhe tani Kosova duhet të mbajë zgjedhje brenda 45 ditësh.

Haxhiu ka afat që brenda dhjetë ditësh të caktojë datën e zgjedhjeve. Dy datat për mbajtjen e zgjedhjeve janë 31 maji dhe 7 qershori.

Ndërkaq, pas një takimi me u.d. të presidentit të Kosovës, Albulena Haxhiu, kreu i Komisionit Qendror të Zgjedhjeve, Kreshnik Radoniqi, tha të mërkurën se ky institucion preferon 7 qershorin si datë të zgjedhjeve, pasi KQZ-së i duhet sa më shumë kohë për të organizuar votimet.